清新和風料理~源峰夏日特選套餐

夏日炎炎🌞,同朋友食飯都想食得輕盈啲､清新啲🌿｡ 今次去 Alva Hotel By Royal 嘅日式餐廳 - 源峰,試試佢新出嘅[源峰夏日特選套餐]💛,由前菜到甜品有8道,份量適中,試到多款美食之餘,又唔怕太飽😌｡可以慢慢食,同朋友享受一下夏日嘅晚上🌙~~~~ 記錄一下最鍾意嘅幾道菜: 🤎 前菜 - 夏野菜伴鰹魚高湯酢涷,冰涼嘅小蕃茄&小秋葵,配口感似啫喱嘅酢涷,立即降溫｡ 🩷 刺身 - 中吞拿魚腩､沙甸 魚､鮫鰈,非常新鮮鮮味,冇半點腥,輕火炙嘅鮫鰈油脂滿口! 🧡 蒸物 - 冷製粟米濃湯茶碗蒸伴三文魚籽,好精緻嘅菜式,橙黃綠都有｡脆卜卜嘅三文魚籽同滑溜溜嘅茶碗蒸有驚喜,略嫌香草加得有點多,蓋過了三文魚籽的咸鮮味｡ ❤‍🔥 燒物 - 太刀魚若狹燒,非常好食!!太刀魚燒得香香,肉質嫩滑,啖啖肉!第一次見魚肉都可以繞到咁靚😍 🤎 御飯 - 炙燒和牛海膽壽司,不得了!和牛牛油香氣撲鼻,一握壽司飯,全部一次過送入口,感覺和牛在口慢慢溶化,再食到海膽獨有鮮味,整個配搭非常好食!勁想單點多一份🥹 呢個源峰夏日特選套餐做到8月31日,鍾意日本料理嘅你,記得去試試😉 #AlvaHotelByRoyal#ALVA#帝逸酒店#日本料理#夏日#源峰#mizutani#shatin#hotel#japanesecuisine#summer#夏祭